«2մլն․ 500 հազ․ դոլար կաշառք են ուզել տենդերը պարսիկներին տալու համար»․ Վարդան Ղուկասյան

«ԴՕԿ» կուսակցության հիմնադիր Վարդան Ղուկասյանը երեկ ուղիղ եթերում ներկայացրել է քաղաքացիներից մեկի՝ իրեն հայտնած տեղեկատվությունը․ «ՀՀ-ն մտադիր է Սիսիանից դեպի Կապան երկու հատ թունել կառուցել, որի սարքողը պարսկական ընկերություն է։ Գնել Սանոսյանը և ՔՊ-ական պատգամավոր Կարեն Համբարձումյանը պարսիկներին ասել են՝ եթե ուզում եք շահել թունելի կառուցման տենդերը՝ գլխանց 2 մլն 500 հազ․ դոլարի ատկատ պետք է տաք մեզ։ Հիմա էդ կաշառքը կամ արդեն վերցրել են, կամ 48 ժամվա ընթացքում ստանալու են, որից 2 մլն-ը Գնել Սանոսյանը կիսվելու է Նիկոլ Փաշինյանի հետ, իսկ 500 հազարն էլ ՔՊ- ական պատգամավորը դնելու է գրպանը, որպեսզի տենդերը տան պարսկական ընկերությանը»,-ասել է Ղուկասյանը։