«Նիկոլի համար գնացի, պարեցի, վերջում էլ` ցիցը...». Սարի թաղում ոչ ջուր կա, ոչ էլ աղբահանություն

Սարի թաղում աղբը իսկական մղձավանջ է դարձել բնակիչների համար: Աղբի մեքենա չի գալիս, աղբամաններ անգամ չկան, թեև բնակիչներն աղբահանության համար գումար են վճարում: Հիմա էլ մի ամիս է՝ ջուր չկա, «Արմլուր»-ի հետ զրույցում իրավիճակը ներկայացրեցին Սարի թաղի բնակիչները:

«Թաղապետն եկավ՝ մինչև քաղաքապետի ընտրությունները, թե՝ լավ կլինի, գնացեք ընտրեք սրան, ընտրեցինք, ավելի վատ եղավ:

Նիկոլի համար գնացի, պարեցի, որ Նիկոլը պտի դառնար վարչապետ: Պարեցինք, վերջում էլ՝ ցիցը... Չեմ էլ ուզում ասեմ»,- դժգոհեց սարիթաղցի մի տղամարդ:

««Վեոլիա ջրին» զանգում, բողոքում ենք, ասում են՝ մենք ջրի արտահոսք չունենք, դուք ջուր ստանում եք, դե արի՝ հասկացրու, որ ջուր չկա»,- դժգոհեց մեկ այլ բնակիչ: