«Պլան Բ-ի գործարկման դեպքում ռուս-ուկրանիական հակամարտությունը վերածվում է երրորդ աշխարհամարտի». Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․ «Ուկրաինա-բելառուսական սահմանին Բելառուսի կողմից զորքերի կուտակում է տեղի ունենում, ինչի մասին նաև բարձրաձայնել է պաշտոնական Կիևը։
Բելառուսի այս քայլը հաշվարկված կոմբինացիոն քայլ է, որով փորձ է կատարվում ՌԴ-ի սահմաններին կուտակված, կամ այնտեղ ուղղվող ռազմուժը ջլատել։
Ավելի պարզ ասած, Բելառուսն իր այդ քայլով իր սահման է փորձում բերել ուկրաիանական այն զինուժը, զինտեխնիկան, որը պետք է գնա օգնության ռուսական սահմանին ուկրաիանական ուժերին։ Ակնհայտ է, որ սա պլան Ա-ն է , իսկ պլան Բ-ն, կարծում եմ, արդեն կոնկրետ գործողություններն են լինելու, որպեսզի ավելի շատ ուկրաիանական ռեսուրս տեղափոխվի բելառուսական սահման։
Իսկ պլան Բ-ի գործարկման դեպքում միանշանակ կարող ենք պնդել, որ ռուս-ուկրանիական հակամարտությունը վերածվում է երրորդ աշխարհամարտի»: