«Արագ հեռացրեք այդ անճաշակությունը»․ Հայկ Դեմոյան

Պատմական գիտությունների դոկտոր Հայկ Դեմոյանը ֆեյսբուքյան իր էջում լուսանկար է հրապարակել՝ կից գրելով․ «Մարգարյան հիվանդանոցի սուրճի նոր բուդկան
Երևանի քաղաքապետարա՛ն, Առողջապահության նախարարությո՛ւն
Այսպես լավ չի, ես կասեի՝ հեչ լավ չի: Միգուցե մտածեք՝ մի հատ էլ այսպիսի բուդկաներ նաև ծնարաններ խցկեք ու ԿԳՄՍ-ի հետ համատեղ պարտադրեք, որ նորածինների անուններն արձանագրվեն հենց սուրճի բաժակների վրա: Էլ ի՞նչ զոդիակ ու աստղակերպ: Ֆեստիվառի կանոնների համաձայն, հայ երեխաներն այսուհետ կծնվեն կապուչինոյի, ֆրապուչինոյի, ամերիկանոյի ու այլ սրճատեսակների անվան տակ:
Լավ, ինչքա՞ն կարելի է անմեղսունակ լինել: Աշխարհում այսպիսի բան չկա: Լսե՞լ եք գոնե, որ ծաղկափոշին ալերգիկ է ու ոչ մի կանոններով ու օրենքներով մոր և մանկան առողջության կենտրոնների կամ ծննդատների հենց մուտքի մոտ ճանճերի, մոծակների, կրծողների ու զանազան վարակակիրների կենտրոնատեղի չի կարելի թույլ տալ: Տեսե՞լ եք գոնե, որ այդ սրճի բուդկաներից ինչ ջրափոշի է տարածվում ու աշխատակիցը ռետինե խողովակով ջուր ցանում հիվանդանոց հենց մուտքի ուղղությամբ:
ԿԳՄՍ, եթե չեք նկատել, կամ նկատելու չեք տալիս, ասեմ, որ ՅՈՒՆԵՍԿՕ-ի ցանկում հայտնված Գառնիի պատմաճարտարապետական հուշարձանի տարածք է խցկվել սուրճի բուդկա: Հուսամ կարգերին ծանոթ եք, որ նման կարգավիճակ ունեցող հուշարձանների տարածքում նման բոմժությունն անթույլատրելի է: Արագ հեռացրեք այդ անճաշակությունը և տարածքը բերեք նախնական տեսքի:
Թե բա ֆեստիվառ…»։