«Իսկ ինչպե՞ս է ԼՂ բնակիչների վերադարձը տեսնում ՀՀ վարչապետը». Մարիա Զախարովան հարցին պատասխանել է հարցով

459

Չորեքշաբթի, 28 օգոստոսի, 2024 թ., 19:35

Այսօր կայացած ճեպազրույցի ընթացքում ՌԴ ԱԳՆ խոսնակ Մարիա Զախարովան, պատասխանելով հարցին՝ ինչպե՞ս է Մոսկվան տեսնում Լեռնային Ղարաբաղի բնակիչների հնարավոր վերադարձն իրենց տներ, պատասխանել է. «Կարելի է հարցնել՝ ինչպե՞ս է դա տեսնում ՀՀ վարչապետ Նիկոլ Փաշինյանը, ունի՞ որևէ ծրագիր»։

«Ադրբեջանն ունի նման ծրագիր, հրապարակել է այն՝ Ղարաբաղի հայ բնակչության վերադարձի առաջարկների վերաբերյալ։ Ինչո՞ւ եք մեկ այլ պետության ներկայացուցչին հարցնում, թե ինչպես է դա տեսնում։

Ռուսաստանը ելնում է նրանից, որ 2020-2022 թվականներին եռակողմ համաձայնագրերն այլընտրանք չունեն, եռակողմ պայմանավորվածությունները կասկածի տակ դնելու փորձերը վտանգավոր են»,- նշել է Զախարովան։