«Այս դատարանը ստեղծվել է ազատ խոսքը ճնշելու համար»․ Աննա Մկրտչյան

«Հայաստանում ատելության խոսքը, խոսքի նկատմամբ անհանդուրժողականությունը, ազատ խոսքի բռնաճնշումները կազմակերպվում և իրականացվում են իշխանությունների կողմից։ Եվ այն դատարանը, որտեղ հիմա գտնվում ենք, դրա վառ ապացույցն է»,-ՀՀԿ փոխնախագահ Արմեն Աշոտյանի գործով դատական նիստից առաջ, լրագրողների հետ զրույցում, ասաց ԱԺ ընդդիմադիր պատգամավոր Աննա Մկրտչյանը։ «Այս դատարանը ստեղծվել է ազատ խոսքը ճնշելու համար։ Այստեղ քննվում են բացառապես այնպիսի գործեր, որոնք կարվել են նիկոլահպատակ քննչական կոմիտեի, դատախազության և հակակոռուպցիոն կոմիտեի կողմից՝ նպատակ ունենալով մարդկանց ներքաշել այնպիսի իրավական՝ ձևական իմաստով, պրոցեսների մեջ, որոնք հնարավորություն չեն տա զբաղվել քաղաքական գործունեությամբ, քաղաքացիական խոսքի, դիրքորոշման կամ ինչ-որ ակցիաների մասնակցություն ունենալ։ Արմեն Աշոտյանը այդ օրինակներից ամենավառն է»,-նշեց Մկրտչյանը։