Դատարանը Հրայր Թովմասյանին բերման ենթարկելու որոշում կայացրեց

188

Ուրբաթ, 30 օգոստոսի, 2024 թ., 16:36

Երևանի ընդհանուր իրավասության քրեական դատարանը՝ դատավոր Տաթևիկ Գրիգորյանի նախագահությամբ, ՍԴ նախկին նախագահ, ՍԴ անդամ Հրայր Թովմասյանին բերման ենթարկելու որոշում կայացրեց։

Ըստ փաստաբան Արամ օրբելյանի՝ դատարանը մեկ որոշում է ֆորմալիզմի դաշտ մտնել, մեկ որոշում է ոչ ֆորմալիզմի դաշտ մտնել, մեկ որոշում է Քրեական օրենսգրքի նորմերից դուրս այլ նորմերից օգտվել, իրեն հարմար նորմեր օգտագործել:

«Ի՞նչ է տեղի ունեցել: Դատարանը Հրայր Թովմասյանին հեռացրել է դահլիճից, չի ծանուցել իր բացակայության ընթացքում տեղի ունեցած նիստերի մասին, և Հրայր Թովմասյանը տեղեկացված չի եղել՝ իր 10 ժամը լրացա՞ծ է եղել, թե՞ ոչ: ՉԻ տեղեկացրել փոստով: Դատավորն ունի կողմնակալ երևալու հիմքեր», - լրագրողների հետ զրույցում ասաց Հրայր Թովմասյանի պաշտպան Արամ Օրբելյանը:

Նա նշեց, որ այստեղ նաև ՍԴ օրենքներ են խախտվում, քանի որ առանց ՍԴ թույլտվության չեն կարող բերման ենթարկել ՍԴ անդամի:

«Դատարանը ոչ իրավաչափ որոշում է կայացրել, քանի որ Թովմասյանին ծանուցելու ողջամիտ գործընթաց չի կատարվել»,- հավելեց պաշտպանը: