Հինգշաբթի, 23 հուլիսի, 2026 թ.
|
Ստեփանակերտում`   +22 °C

«Սովորեցրեք ձեր երեխաներին, որ Հայրենիքը չի կարող սահմանափակվել ֆիզիկական սահմաններով»․ Արման Աբովյան

«Սովորեցրեք ձեր երեխաներին, որ Հայրենիքը չի կարող սահմանափակվել ֆիզիկական սահմաններով»․ Արման Աբովյան
479
Կիրակի, 01 սեպտեմբերի, 2024 թ., 13:42

ԱԺ նախկին պատգամավոր Արման Աբովյանի գրառումը․ «Սեպտեմբերի 1
Գիտելիքի օրը, իմ կարծիքով՝ մեզ համար ամենակարևոր տոներից մեկն է։
Մենք մեր ամբողջ պատմություն ընթացքում պահպանվել ենք բացառապես գիտելիքի, ուսման, կրթության և սովորելու և ուսուցանելու ունակության շնորհիվ:
Պատմական չափանիշներով դեռևս վերջերս գիտելիքներ ենք ստացել դպրոցներում և ճեմարաններում, որոնք բացվել են եկեղեցիներին կից, և հենց Հայ Առաքելական Եկեղեցին պետականության բացակայության պատճառով վարդապետության և գիտելիքի լույսը բերել է ժողովրդին՝ կանխելով մեր ուծացումը։
Այսօր գիտելիքը դարձել է թերևս ամենակարևոր ռեսուրսը ցանկացած երկրի և ժողովրդի համար։
Այժմ ամենակարևորը երեխաներին ազնիվ և ճիշտ գիտելիքներ տալն է, երեխաների մեջ իմանալու և կարդալու ցանկություն առաջացնելը, սովորելը և կատարելագործվելը, և որ ամենակարևորն է, մենք պետք է թույլ չտանք , որ մեր երեխաները մոռանան, թե ով ենք մենք և որն է մեր առաքելությունը:
Հայ ժողովրդի թշնամիների համար դպրոցը միշտ եղել է հայ ժողովրդի ոչնչացման ամենագլխավոր խոչընդոտը, և այսօր մենք պետք է թույլ չտանք ստի և մանիպուլյացիայի մուտքը դպրոցներ՝ ի շահ քաղաքական կոնյունկտուրայի։
Սովորեցրեք ձեր երեխաներին, որ Հայրենիքը չի կարող սահմանափակվել ֆիզիկական սահմաններով:
Սովորեցրեք ձեր երեխաներին հասկանալ, թե ով է թշնամին և ով է ընկերը:
Սովորեցրեք ձեր երեխաներին լինել և մնալ հայ, որ երկրում էլ ապրեն»։

Աղբյուրը`   Արման Աբովյան