«Վնուկովո» և«Դոմոդեդովո» օդանավակայաններում թռիչքների ժամանակավոր սահմանափակումներ են սահմանվել

Մոսկվայի «Վնուկովո» և «Դոմոդեդովո» օդանավակայաններում թռիչքների ժամանակավոր սահմանափակումներ են սահմանվել։ Այս մասին հայտնում են Ռոսավիացիայի մամուլի ծառայությունից։

«Ժամանակավոր սահմանափակումներ են սահմանվել օդանավերի ժամանման ևմեկնման հետ կապված», — ասվում է գերատեսչության թելեգրամյան ալիքում։

Բացի այդ, սահմանափակումներ են մտցվել նաև Սոչիի և Գելենջիկի օդանավակայաններում։ Հաղորդվում է, որ ժամանակավոր սահմանափակումների պայմաններում «Շերեմետևո» օդանավակայանը համապատասխան մարմինների հետ համաձայնեցմամբ շարունակում է ընդունել և իրականացնել չվերթներ։

Նշվում է, որ սահմանափակումներն անհրաժեշտ են թռիչքների անվտանգությունն ապահովելու համար։

Նշենք, որ ավելի վաղ Ուկրաինան պաշտոնապես տեղեկացրել էր Միջազգային քաղաքացիական ավիացիայի կազմակերպությանը (ICAO), որ ռազմական ակտիվության աճի պատճառով Ռուսաստանի օդային տարածքը քաղաքացիական ավիացիայի համար անվտանգ չէ: