«Զինվորը որ սահմանը չպահի, Հայրենիքը չպահի, հարկը որտեղի՞ց կվճարեն»․ Արտակ Հովհաննիսյան

44-օրյա պատերազմում զոհված զինծառայող Ալբերտ Հովհաննիսյանի հայրը՝ Արտակ Հովհաննիսյանը ֆեյսբուքյան իր էջում գրել է․ «Հարսանիքներում թամադաները չեն խմում հարկ վճարողի կենացը, բայց խմում են զինվորների կենացը:
Այս մասին այսօր Ազգային ժողովում «Ամառային դպրոց» ծրագրի մասնակիցների հետ հանդիպման ժամանակ հայտարարել է Նիկոլ Փաշինյանը:
«Ես ուշադիր հետևում եմ մեր հարգարժան թամադաների մտքի ընթացքին: Իրենք շատ կենացներ են խմում, օրինակ երբեք ոչ մի հարսանիքում չի բարձրացվում կենաց Հայաստանի Հանրապետության հարկ վճարողի համար: Բայց մենք խմում ենք զինվորների կենացը, որը ճիշտ է, որը լավ է:
Բայց երբեք ոչ մեկ չի մտածում, որ զինվորի ծառայության պայմանը կախված է նրանից, թե վճարողը հարկ վճարել է, թե չի վճարել: Մի անգամ ասել եմ, որ հարկեր վճարող մարդը Հայաստանի Հանրապետության թիվ մեկ հերոսն է:
Դրանից հետո մեծ աղմուկ բարձրացավ: Առանց հարկ վճարողի չի կարող լինել բանակ, չի կարող լինել զինվոր, զինվորի սնունդ, զինվորի կոշիկ, զինվորի ներքնազգեստ, նույնիսկ ազգային հերոս մեդալը, որը պետությունը շնորհում է այդ թվում զինվորականներին, կամ նույնիսկ զինվորականի պագոնի աստղը ստեղծվում է միայն ու միայն հարկ վճարող քաղաքացու վճարած հարկի հաշվին։
Առնվազն ճիշտ կլինի, որ մեր բոլոր հարսանիքներին և խնջույքներին հարկ վճարող քաղաքացու կենացը խմել»,-ասել է նա:
Հ.Գ.
Իհարկե գիտակից մարդիկ հասկանում են, որ էս մարդը շեղվել ա հարկ վճարողների պահով և այլ շատ պահերով, երկրի առջև ծառացած խնդիրների լուծումները թողած՝ ընկել ա կենացների հետևից ու դեռ (թամադաներին էլ դաս է տալիս), ճիշտ եք անում ու դեռ քիչ եք անում, որ 5000 թագավոր տղու և կյանք ու առողջություն խեղված տղերքի ազգ ու տակը հելնի վրաներովդ քայլի, այդ ժամամակ կհասկանաք զինվոր տղերքի համար ասվող ամեն մի բառի արժեքը:
Հ.Գ.
Բավ է շահարկեք՝ դուք դրա իրավունքը չունեք, եթե չլինեին այդ տղերքը, վաղուց թշնամին շատերիդ ընտանիքների կանանց հետ կենակցել էր:
Զինվորը որ սահմանը չպահի, Հայրենիքը չպահի, հարկը որտեղից կվճարեն։ Հարկ վճարելը պարտավորություն է, ոչ թե հերոսություն։ Ու այդ հարկ վճարողներին դուք պարտավոր եք հաշվետու լինել, բյուջեից կատարված ծախսերի համար»։