Երեքշաբթի, 31 դեկտեմբերի, 2024 թ.
|
Ստեփանակերտում`   0 °C

«Զարմանալի է, որ ոչ մի չինովնիկի մտքով չի անցել «Դասամիջոց» դասագիրք ստեղծել». Հակոբ Բադալյան

«Զարմանալի է, որ ոչ մի չինովնիկի մտքով չի անցել «Դասամիջոց» դասագիրք ստեղծել». Հակոբ Բադալյան
781
Երեքշաբթի, 10 սեպտեմբերի, 2024 թ., 09:42

Քաղաքական մեկնաբան Հակոբ Բադալյանի գրառումը. «Միակ բանը, որ հանրային կյանքում փոխել է այսպես ասած ժամանակակից դպրոցը՝ դա գրենական պիտույքների, մասնավորապես գրքերի ու տետրերի տպագրության բիզնեսի վերելքն է:
Ճիշտ հասկացեք, առանց հեգնանքի, ես բացարձակապես դեմ չեմ տնտեսական որևէ էֆեկտի:
Բայց, մեղմ ասած խնդրահարույց է այն, որ միայն դա է ժամանակակից «կրթական էֆեկտը»:
Եղած դասագրքերը բավարար չէին, դրանց ավելացել են ֆիզկուլտի, կերպարվեստի, տեխնոլոգիայի դասագրքեր, հետն էլ բոլոր առարկաներին ավելացել են բազմասերիանոց թեմատիկ տետրեր: Ընդ որում դրանց ավելացման տեմպն այնպիսին է, որ շուտով ըստ երևույթին կլինեն արդեն «թեմատիկ տետրների թեմատիկ տետրեր»:
Հետո ըստ երևույթին թեմատիկ տետրերը կսկսեն բաժանվել առանձին մասերի ըստ դասաժամի՝ դասաժամի առաջին 15 րոպեի թեմատիկ տետր, հետո դասաժամի երկրորդ տասնհինգ րոպեի թեմատիկ տետրեր:
Ի դեպ, զարմանալի է, որ կրթական ոլորտի ոչ մի չինովնիկի մտքով չի անցել մինչև այժմ «Դասամիջոց» դասագիրք ստեղծելու գաղափարը»:

Աղբյուրը`   Հակոբ Բադալյան