Շաբաթ, 19 սեպտեմբերի, 2026 թ.
|
Ստեփանակերտում`   +15 °C

«Սեպտեմբերի 19-ին ընդառաջ իշխանական ռեսուրսը դրվել է ներարցախյան կոնֆլիկտ հրահրելու վրա»․ Տիգրան Աբրահամյան

«Սեպտեմբերի 19-ին ընդառաջ իշխանական ռեսուրսը դրվել է ներարցախյան կոնֆլիկտ հրահրելու վրա»․ Տիգրան Աբրահամյան
198
Երեքշաբթի, 17 սեպտեմբերի, 2024 թ., 10:12

ԱԺ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը․ «Սեպտեմբերի 19-ին ընդառաջ, հայաստանյան իշխանական ողջ ռեսուրսը՝ երևացող ու չերևացող գործիքակազմով, դրվել է ներարցախյան կոնֆլիկտ հրահրելու վրա:
Իշխանությունն իր ուժերը մոբիլիզացրել է, որպեսզի Արցախի հետ տեղի ունեցածի պատասխանատվությունը բաշխի բացառապես արցախցիների վրա՝ հնարավորինս ստվերում պահելով Արցախն ուրացած ու հանձնած գլխավոր պատասխանատուներին:
Մի մասը՝ գիտակցաբար, մի մասը՝ էմոցիաների մղումով, մյուս մասը՝ պարզապես արդարություն փնտրելով, ընկնում է իշխանության թակարդը, ինչի հետևանքով ողջ դիսկուրսը տեղափոխվում է ներարցախյան մակարդակ:
Իսկ Արցախն Ադրբեջան հայտարարած, արցախյան բլոկադային լուռ հետևած և ադրբեջանական ագրեսիային կանաչ լույս վառած հայաստանյան իշխանական վերնախավը գոհունակությամբ հետևում է իր հանցագործության՝ պատասխանատվությունն այլոց վրա բաշխելու պրոցեսին»:

Աղբյուրը`   Տիգրան Աբրահամյան