«Արցախի կանչը» հուշակոթողի հիմնարկեքի արարողությունը՝ ուղիղ միացմամբ

«Եռաբլուր» զինվորական պանթեոնում կատարվում է «Արցախի կանչը» հուշակոթողի հիմքի օծման՝ հիմնարկեքի արարողությունը: Հուշակոթողը կամփոփի Արցախյան բոլոր նահատակների, Արցախում բոլոր հուղարկավորվածների և սեպտեմբերի 25-ին Պաշտպանության բանակի վառելիքի պահեստի ողբերգական պայթյունի հետևանքով զոհվածների հիշատակը։
Զոհված Տիգրան Ավետիսյանի մայր Ադելինա Ավետիսյանն իր խոսքում կարևորեց հուշակոթողի կառուցման գաղափարը․ «Գրեթե մեկ տարվա ընթացքում բազմաթիվ արցախցիներ գալիս են «Եռաբլուր»՝ չունենալով իրենց հարազատի շիրմաքարը։ Գալիս են մեր տղաների մոտ, խունկ են ծխում, սգում են իրենց որդիների, ամուսինների, եղբայրների համար։ Հիմա տեղ կունենան մոմավառություն կատարելու համար»,- ասաց նա։

Արարողությանը ներկա է նաև Արցախի նախագահ Սամվել Շահրամանյանը: