«Լուրերը կեղծ են ու մտացածին»․ Սրբազան պայքար

«Սրբազան պայքար»-ը թելեգրամյան ալիքում հայտնում է․ «Սրբազան պայքարի՝ Կ. Դեմիրճյանի անվան մարզահամերգային համալիրում տեղի ունեցած Մեծ հավաքը մտորելու և որոշումներ ընդունելու ծավալուն նյութ է տվել մեր հանրությանը: Հոկտեմբերի 2-ին Հանրապետության հրապարակում կայանալիք հանրահավաքով տրվելու է Սրբազան պայքարի հաղթանակի և հույսի փուլի մեկնարկը: Այդ առիթով կարևոր գործ ունենք անելու և հորդորում ենք բոլորին իրենց քայլերն ուղղել երկրում սահմանադրական կարգի վերականգնմանն ու նվաստացուցիչ այս շրջափալից դուրս գալուն:

Պետք չէ մութ սենյակում սև կատու որոնել, հատկապես, երբ այդ սենյակում կատու չկա:

Ի պատասխան տարբեր լրատվամիջոցների հարցումներին, թե արդյոք ճի՞շտ են «Հրապարակ» օրաթերթի տեղեկությունները, որ Մայր Տաճարի վերաօծման միջոցառումները խախտել են Բագրատ Սրբազանի ծրագրերը և/կամ որ համալիրի հավաքից հետո նախատեսվում էր շրջապատել ՍԴ շենքը, հայտնում ենք, որ բոլոր այդ լուրերը կեղծ են ու մտացածին: Իրականությանը չեն համապատասխանում նաև թերթի այսօրվա հրապարակման մեջ նշված մի շարք այլ պնդումները: ԶԼՄ հարգելի ներկայացուցիչներին հորդորում ենք զերծ մնալ չճշտված կամ կեղծ լուրեր տարածելուց»: