Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Իրավապահ մարմինները խուսափում են արցախցիների նկատմամբ թշնամանք քարոզողների դեմ պայքարից». Դանիել Իոաննիսյան

«Իրավապահ մարմինները խուսափում են արցախցիների նկատմամբ թշնամանք քարոզողների դեմ պայքարից». Դանիել Իոաննիսյան
229
Չորեքշաբթի, 25 սեպտեմբերի, 2024 թ., 21:36

ԻՔՄ ծրագրերի համակարգող Դանիել Իոաննիսյանի ֆեյսբուքյան գրառումը․ «Իրավապահ մարմինները խուսափում են արցախցիների նկատմամբ ատելություն, խտրականություն, անհանդուրժողականություն և թշնամանք քարոզողների դեմ պայքարելուց:
Մասնավորապես, Քննչական կոմիտեն ու Դատախազությունը հրաժարվեցին քրեական վարույթ հարուցել «Թերեզա Ասատրյան» անվանումով ՖԲ օգտատիրոջ գրառման առիթով, որով առաջարկվում էր արցախցիներին զրկել բոլոր իրավունքներից և, ըստ էության, ստրկության մատնել Հայաստանում գտնվող ղարաբաղցիներին:
«Իրազեկ քաղաքացիների միավորումը» այժմ էլ դատական կարգով է պահանջում այդ օգտատիրոջ դեմ քրեական հետապնդում հարուցել (ՔՕ 136, 329 և 330 հոդվածներով):
Եթե այդ ճանապարհն էլ սպառվի, ապա ստիպված ենք լինելու ի լուր աշխարհի հայտարարել, որ Հայաստանի Հանրապետությունը չի կատարում Արցախից եկած անձանց խտրականությունից ու ատելության խոսքից պաշտպանելու իր պոզիտիվ պարտականությունը:
Մանրամասները՝ մեկնաբանությունում»: