«6 տարին բավարար չէ՞ սուտը ճշտից զատելու համար»․ Արմինե Օհանյան
81 Երեկ, 22:42 «Հրապարակ» օրաթերթի գլխավոր խմբագիր Արմինե Օհանյանի ֆեյսբուքյան գրառումը․ «Երբ 2018-ին ոմանք զգուշորեն հարցնում էին՝ կարո՞ղ է գալիս եք իշխանության, որ Արցախի «հարցերը լուծեք», իշխանության ձգտող ուժը վիրավորվում էր ու եռանդով հերքում: Երբ ասում էին՝ հասարակությանը տեղեկացրեք, թե ինչի շուրջ եք բանակցում, ինչ ես խոսել վերելակում Ալիեւի հետ, ինչ է նշանակում՝ «զրոյական կետից սկսել բանակցությունները», վրդովվում էին՝ «ինչ ուզում, այն էլ բանակցում ենք»: Երբ մարդիկ ահազանգում էին, թե՝ «Արցախը հանձնում եք», երդում-պատառ էին ուտում՝ «ով հանձնի...»: Երբ 2019-ից սկսած զգուշացնում էին, թե Ադրբեջանը պատերազմի է պատրաստվում, զինվում է, իսկ մենք ոչինչ չենք անում, ասում էին՝ թշնամուն «նավոդկա» եք տալիս: Երբ 2020-ին ասում էին, որ կուտակումներ են սահմանին, այս պատերազմին Թուրքիան էլ է մասնակցելու, հայտարարում էին՝ վստահ ենք, որ Թուրքիան ոչ մի քայլ չի անի Հայաստանի դեմ, դուք պատերազմի մասին լուրերով խուճապ եք տարածում: Երբ պատերազմի ժամանակ գրում էինք, թե հայկական բանակը պարտվում է, սխալ են վարում պատերազմը, մի կենտրոնից կառավարում չկա, ասում էին՝ 5-րդ շարասյունը թշնամու ջրաղացին ջուր է լցնում, պարտություն է երազում։ Երբ պատերազմից հետո մարդիկ ասում էին, որ պարտված անձի՝ իշխանության ղեկին մնալը վատ հետեւանքներ է ունենալու, պարտված ղեկավարը վատ բանակցող է, ասում էին՝ չկա նման բան, ժամանակ տվեք՝ Փաշինյանը կշտկի իրավիճակը: Երբ 2021-23 թվերին փոքրիկ սադրանքներով ու մինի-պատերազմներով թշնամին անընդհատ առաջ էր շարժվում՝ նորանոր տարածքներ գրավելով եւ նոր կյանքեր խլելով մեզնից, ամեն անգամ ասում էին՝ սա վերջին բախումն է, վերջին զոհը: Երբ սկսեցին Թուրքիայի հետ սիրախաղերը եւ խոստումները, թե շուտով սահմանը կբացվի, տնտեսական աճ կունենանք, խաղաղություն կհաստատվի, մարդիկ զգուշացնում էին, որ դրանք միֆեր են՝ չի լինելու ո՛չ սահմանի բացում, ո՛չ խաղաղություն: 6 տարին բավարար չէ՞ սուտը ճշտից զատելու համար»։ Աղբյուրը` Արմինե Օհանյան |
«ՔՊԿ-ն տրանսպորտի հարցն էլ չկարողացավ լուծել»․ Սոնա Աղեկյան
5400:36«Մեծատառով գրելիս՝ հայ ժողովրդի մեծագույն թշնամու էությունը չի փոխվում»․ Վահե Սարգսյան (լուսանկար)
6200:00«6 տարին բավարար չէ՞ սուտը ճշտից զատելու համար»․ Արմինե Օհանյան
80Երեկ, 22:42«Իմ խաղաղ կյանքի վերջին նկարը»․ Մետաքսե Հակոբյան
87Երեկ, 22:12«Բա արժե՞ր 17 օրվա «պրոֆեսիոնալիզմի» համար շալակել Հայրենիքի հանձնման մեղքի բաժինը»․ Ռուբեն Մելիքյան
98Երեկ, 21:36«Հուսով եմ՝ Հայաստանն այս խայտառակ կեղծիքը պատշաճ կներկայացնի միջազգային հանրությանը»․ Մեսրոպ Առաքելյան
89Երեկ, 20:18«Սոնա Մնացականյանին վրաերթի ենթարկելու դեպքով քրեական հետապնդում չի հարուցվի»․ Րաֆֆի Ասլանյան
81Երեկ, 18:06«Օրբելի փողոցը պարալիզացվելու է»․ Սամվել Հակոբյան
51Երեկ, 17:54