«Մեղադրանք չէր, այլ կասկած՝ ուղղված հյուսիսային երկրներին, ոչ թե Ռուբենին»․ Նուբար Աֆեյան

Երևանում ընթանում է բարերար, գործարար Նուբար Աֆեյանի ասուլիսը։ Առաջին հարցը վերաբերում էր նրա գործընկեր, Բաքվի բանտում գտնվող Ռուբեն Վարդանյանին, Փաշինյանի կողմից վերջինիս ուղղված մեղադրանքին, թե «ո՞վ է Ռուբեն Վարդանյանին գործուղել ՀՀ և ԼՂ»։
«Ռուբեն Վարդանյանին լավ ճանաչում եմ՝ մոտ 25 տարի և կարող եմ պատասխանել՝ ով է նա։ Նրա մասին տեղեկություններ ստանում եմ ընտանիքի միջոցով։ Անշուշտ բավական ջանք ենք գործադրում՝ հասնելու նրա ազատմանը»,- ասաց Աֆեյանը՝ հավելելով, որ Փաշինյանի հարցադրումները չի դիտարկում որպես մեղադրանք․ «Մեղադրանք չէր, այլ կասկած՝ ուղղված հյուսիսային երկրներին, ոչ թե Ռուբենին։ Ճիշտ է, որ մարդիկ կասկածեն, թե տարբեր ազգեր ինչ նպատակներ ունեն։ Ռուբենը, գիտակցելով վտանգները, գնաց Արցախի ժողովրդին օգնելու։ Տարբեր ծրագրեր իրականացնելիս տեսել եմ նրա նվիրումը և ինձ համար աներևակայելի է կասկածի տակ դնել նրա նպատակները»,- ասաց Աֆեյանը։