«Դատավոր Դավիթ Հարությունյանին արգելվեց ներկա գտնվել իր իսկ վերաբերյալ քննվող գործին». Միքայել Շխիմյան

«Հերթական անգամ դատավոր Դավիթ Հարությունյանին արգելվեց ներկա գտնվել իր իսկ վերաբերյալ ԲԴԽ-ում քննվող գործին: ՍԴ կողմից արձանագրված «Ստվերային արդարադատությունը» շարունակվում է»,- այս մասին ֆեյսբուքյան իր էջում գրել է փաստաբան Միքայել Շխիմյանը։

Երևանի ընդհանուր իրավասության քրեական դատարանի՝ լիազորությունները դադարեցված դատավոր Դավիթ Հարությունյանը պատասխանել է լրագրողների հարցերին: «Հանգել եմ այն համոզման, որ ՍԴ որոշումը ԲԴԽ-ի համար որևէ նշանակություն չունի, չեն պատրաստվում կատարել օրինական ուժի մեջ մտած պարտադիր կատարման ենթակա ակտի պահանջները»,- ասել է նա:

Հիշեցնենք, որ դատավոր Դավիթ Հարությունյանը դիմում է ներկայացրել ԲԴԽ՝ պահանջելով վերանայել իր վերաբերյալ գործը՝ հիմք ընդունելով ՍԴ որոշումը, որով արձանագրվել է ԲԴԽ-ի կողմից դատավորի իրավունքների խախտումը։