«Ադրբեջանը խաղաղություն չի փնտրում». Վարդան Օսկանյանի հոդվածն ամերիկյան պարբերականում

Վարդան Օսկանյան. Ստիպել Ադրբեջանին ազատ արձակել Բաքվում անօրինական կերպով պահվող բոլոր հայ բանտարկյալներին մինչև Cop-29 գագաթնաժողովի մեկնարկը
«Ստիպեք Ադրբեջանին ազատ արձակել հայ քաղբանտարկյալներին»,- COP29-ին ընդառաջ Newsweek ամերիկյան պարբերականում հրապարակվել է Վարդան Օսկանյանի հոդվածը:

«Ժամանակը կարճ է. ԱՄՆ-ն, Եվրոմիությունը, ժողովրդավարական կազմակերպությունները պետք է առաջնորդություն ստանձնեն՝ օգտագործելով COP-29-ը որպես լծակ՝ պահանջելու ազատ արձակել հայ բանտարկյալներին: Ադրբեջանական վարչակարգն աշխարհի ամենաբռնապետական, կոռումպացված և ագրեսիվ ռեժիմներից մեկն է։ Այսպիսով, որպես 1998-2008թթ. Հայաստանի արտաքին գործերի նախարար, որը տասնամյակներ է անցկացրել Հայաստանի և Ադրբեջանի միջև խաղաղության շուրջ բանակցություններ վարելով՝ ԱՄՆ-ի, Ռուսաստանի և Ֆրանսիայի աջակցությամբ, աշխարհին կոչ եմ անում ճնշում գործադրել Ադրբեջանի վրա՝ շտկելու իր ուղին: Ադրբեջանը խաղաղություն չի փնտրում իր հարևանների, այդ թվում՝ Հայաստանի հետ:

Եթե ​​Ադրբեջանն իսկապես հավատարիմ լիներ խաղաղությանը, ապա կդադարեր ջնջել հայկական մշակութային և պատմական ներկայությունը Լեռնային Ղարաբաղում, կհրաժարվեր Հայաստանի ինքնիշխան տարածքի նկատմամբ իր շարունակական հավակնություններից, կհեշտացներ Լեռնային Ղարաբաղի տեղահանված բնակչության վերադարձն իրենց նախնիների հայրենիք և անհապաղ ազատ կարձակեր Արցախի նախկին ղեկավարությանը՝ քաղբանտարկյալների, որոնց պատանդառել է մեկ տարի առաջ»,- հոդվածում նշել է Վարդան Օսկանյանը: