«Գույք ես կորցրե՞լ, գնա ՄԻԵԴ-ում սեփականության իրավունքդ պաշտպանիր»․ Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը․ «Երբ խոսքը վերաբերում է պատերազմին, պարտությանը, բոլոր արցախցիները հերոս են, ուղղակի Հայաստանը չի կատարել Արցախի անվտանգության երաշխավորի պարտավորությունը: Տեղի է ունեցել բռնատեղահանությո՞ւն: Պատասխանատուն Հայաստանն է, որ ռազմական օգնություն չի ցուցաբերել, ՊԲ-ին էլ հրամայել է չդիմադրել: Իսկ երբ գալիս է պատասխանատվության պահը, փաստաբանական «համքարությունն» աղաղակում է.
-Ի՞նչ գործ ունի Հայաստանի դատարանն Արցախի կառավարության սեփականության, ԱՀ քաղաքացու հետ, որ նրա դեմ քրեական վարույթ է հարուցում:
Իսկ ի՞նչ գործ ունի Հայաստանը նույն անձանց Արցախում թողած անձնական գույքի հետ, որ ոմանք պահանջում են, որ պաշտոնական Երևանը Բաքվի դեմ միջազգային դատական հայց հարուցի:
Գույք ես կորցրե՞լ, գնա ՄԻԵԴ-ում սեփականության իրավունքդ պաշտպանիր»: