«Արցախցի ընտանիքներ կան՝ 1 տարի է զրկված են սոցիալական ծրագրերից․ պետությունը քայլ չի անում»․ Լիաննա Պետրոսյան

«Այն անձինք, ովքեր ո՛չ օպերատիվ շտաբի տվյալների բազայում կան, ո՛չ հարյուր հազարի շահառու են, փաստացի դուրս մնացին սոցիալական աջակցության ծրագրերից և հետևանքները կրում են առ այս պահը»,- «Մեդիա կենտրոն»-ում քննարկման ժամանակ նշել է արցախցի հասարակական գործիչ Լիաննա Պետրոսյանը՝ անդրադառնալով արցախցիներին տրամադրվող սոցիալական աջակցության ծրագրերի հասանելիությանը։ «Կան ընտանիքներ, որոնք ավելի քան 1 տարի ոչ մի ծրագրից չեն կարողանում օգտվել, և կառավարությունը ոչ մի քայլ չի անում, որպեսզի այդ անձինք ընդգրկվեն ծրագրերում։ Թեպետ նրանց թիվը այդքան էլ մեծ չէ, և մեծ բեռ չեն հանդիսանալու կառավարության համար»,- նշել է արցախցի գործիչը՝ հավելելով, որ կան դեպքեր, երբ ծնողը ստացել է 40+10 հազար աջակցությունը, իսկ երեխաներին տրվել է միայն 10 հազարը։