Արգիշտի Քյարամյանի հայտարարությունների հիման վրա քրեական վարույթ է նախաձեռնվել

ՀՀ ՔԿ նախագահ Արգիշտի Քյարամյանի՝ ԱԺ-ում արած հայտարարությունների մասով քրեական վարույթ է նախաձեռնվել, տեղեկացրել է ՀՀ գլխավոր դատախազությունը։

Հակակոռուպցիոն կոմիտեում քրեական վարույթը նախաձեռնվել է ՀՀ ՔՕ 486-րդ հոդվածի 1-ին մասով՝ երկու դրվագով՝ արդարադատության իրականացմանը կամ գործի քննությանը միջամտելու և խոչընդոտելու համար։

Հիշեցնենք, որ միջադեպը տեղի էր ունեցել Արգիշտի Քյարամյանի և «Քաղաքացիական պայմանագիր» կուսակցության պատգամավոր Հովիկ Աղազարյանի միջև հոկտեմբերի 15-ին՝ խորհրդարանական լսումների ժամանակ: