Վարչապետի աշխատակազմի միջոցները 2025-ի բյուջեով կկազմեն 24 մլրդ 365 մլն դրամ

ԱԺ-ում շարունակվում են հանձնաժողովների համատեղ նիստերը, որտեղ ներկայացվում է 2025-ի բյուջեի նախագիծը:
Ֆինանսների նախարար Վահե Հովհաննիսյանը ներկայացրեց վարչապետի աշխատակազմի 2025 թվականի բյուջեի նախագծով նախատեսված միջոցները։ Դրանք կազմում են 24 մլրդ 365 մլն դրամ, որը 2024 թվականի համեմատ քիչ է 632 մլն դրամով։ Ընթացիկ ծասերի համար նախատեսված է 20 մլրդ դրամ, որը 4%-ով ավելի քիչ է, քան 2024-ին և կապիտալ ծախսերի համար նախատեսված է 4 մլրդ 180 մլն դրամ, որը 6%-ով ավելի է 2024-ից։