«Անգամ բերման ենթարկելը կատարում են գետնին տապալելով»․ Գառնիկ Դանիելյան

«Հանրահավաքներից առաջ այն մարդկանց, որոնք զբաղված են կազմակերպչական աշխատանքներով, տանում են ոստիկանական բաժանմունքներ ու օրերով բաց չեն թողնում։ Նաև մեքենաներն են տանում տուգանային հրապարակ ու ամիսներով պահում»,-ՄԻՊ-ի գրասենյակի դիմաց լրագրողների հետ զրույցում նշեց «Հյաաստան» խմբակցության պատգամավոր Գառնիկ Դանիելյանը՝ ընդգծելով, որ այս ամենին իր լուռ համաձայնությունն է տալիս Մարդու իրավունքների պաշտպանը։ «9 հոգու տարել են, անհիմն 2 օր պահել են ՁՊՎ-ում, ՄԻՊ-ից մեկը գնացե՞լ, հետաքրքրվել է։ Անգամ բերման ենթարկելը կատարում են մարմնական վնասներ հասցնելով, գետնին տապալելով, բոլոր չափ ու սահմանները անցնում են։ Սա բռնապետական ռեժիմին բնորոշ վարքագիծ է»,-ասաց Դանիելյանը։