Էրդողանը դատի է տվել ընդդիմության առաջնորդին և Ստամբուլի քաղաքապետին

Թուրքիայի նախագահ Ռեջեփ Թայիփ Էրդողանը դատական հայց է ներկայացրել ընդդիմադիր ԺՀԿ ղեկավար Օզգյուր Օզելի և Ստամբուլի քաղաքապետ Էքրեմ Իմամօղլուի դեմ՝ իր հասցեին վիրավորական արտահայտությունների համար, հաղորդում է A Haber հեռուստաալիքը՝ հղում կատարելով Էրդողանի փաստաբանին։ Որպես բարոյական փոխհատուցում՝ նա յուրաքանչյուրից պահանջել է 1 մլն թուրքական լիրա։

Հիշեցնենք՝ ընդդիմության առաջնորդը հանրային ելույթի ժամանակ Էրդողանին անվանել էր բռնապետ։