«Ասում եք՝ 1 միլիարդից ավելի վճարված տուգանք կա, դա խելոքացնո՞ւմ է տնտեսվարողներին»․ Հովիկ Աղազարյան

«Ասում եք՝ 1 միլիարդից ավելի վճարված տուգանք կա, դա վարքագիծ դաստիարակո՞ւմ է, տնտեսվարողները խելոքանո՞ւմ են, թե՞ կրկնում են նույն խախտումը»,- ՔՊ-ական պատգամավոր Հովիկ Աղազարյանն ԱԺ-ում բյուջետային քննարկման ժամանակ այս հարցն ուղղեց Մրցակցության պաշտպանության հանձնաժողովի նախագահ Գեղամ Գևորգյանին:

Ի պատասխան Գևորգյանը նշեց․ «Մենք մոնիթորինգ ենք անցկացնում, օրինակ, եթե նույն ոլորտի նույն տնտեսվարողին երկու տարի է տուգանում ենք, և եթե այդտեղ բան չի փոխվում, նշանակում է այդ տնտեսվարողին ձեռնտու է․ ««Խախտում անեմ, տուգանքը վճարեմ»։ Չեմ բացառում նաև, գիտենք, որ կան նման երևույթներ․․․ Սա նշանակում է կա ստվերի խնդիր։ Բայց այստեղ արդեն այլ գործիքակազմ ենք սկսում կիրառել, ՊԵԿ-ի հետ ակտիվ աշխատում ենք»։