«Խայտառակություն. «կոնյակ» առևտրային նշանը Նիկոլ Փաշինյանը վաճառել է Ֆրանսիային կոպեկներով». Արթուր Չախոյան

«Հստակ ներկայացնեմ՝ ինչ է տեղի ունեցել: «Կոնյակ» բառը առևտրային նշան էր, որը օգտագործում էր միայն Հայաստանը: Այնինչ «կոնյակ» առևտրային նշանը, որ ասոցացվում է Հայաստանի, Երևանի հետ, Նիկոլ Փաշինյանը վաճառել է Ֆրանսիային կոպեկներով՝ 3 միլիոն եվրոյով, 2021 թվականին: Ու հիմա, 3 տարի անց, Նիկոլ Փաշինյանը վեր է կացել, ասում է՝ բա գիտեք, կոնյակ բառը հայկական չի, գյուղ ա Ֆրանսիայում, պետք է մոռանանք:

Իսկ Ֆրանսիան գնել է, որ այդ բառն ինքն օգտագործի ու դրանով կարողանա գրավել ռուսական շուկան»,- ֆեյսբուքյան իր էջի ուղիղ եթերում ասում է բլոգեր Արթուր Չախոյանը:

Արթուր Չախոյանը նաև հրապարակել է rbc-ի հոդվածը, որում հենց նշվում է, որ ԵՄ-ն Հայաստանին 3 մլն եվրո կվճարի «կոնյակ» ապրանքանիշից հրաժարվելու համար:

«Այս իշխանությունը արժեք է վաճառում, սա խայտառակություն է: Այսինքն, վաղն էլ Թուրքիան կարող է 3 միլիոնով այս իշխանություններից գնել «Հայաստան» բառը»,- եզրահանգում է բլոգերը: