Հայաստանում նախատեսվում է ֆիզիկական անձանց արգելել սնդիկի ներմուծումը և արտահանումը
 237 Շաբաթ, 09 նոյեմբերի, 2024 թ., 17:48 Հայաստանում նախատեսվում է սահմանել նոր կարգավորումներ՝ ուղղված սնդիկի ներմուծման և արտահանման խստացված հսկողությանը, որի նպատակն է պաշտպանել մարդու առողջությունն ու շրջակա միջավայրը սնդիկի վնասակար ազդեցությունից։ Որոշման նախագծերը հրապարակվել են e-draft իրավական ակտերի հրապարակման միասնական կայքում։Այս որոշման նախագծերը մշակվել է Շրջակա միջավայրի նախարարության կողմից՝ ի կատարումն «Սնդիկի մասին» օրենքի պահանջների և Հայաստանի կողմից վավերացված «Սնդիկի վերաբերյալ» Մինամատայի կոնվենցիայի դրույթների։ Սնդիկի արտահանումն ու ներմուծումը կարգավորող նախագծերը ուղղված են սահմանափակել սնդիկ պարունակող ապրանքների շրջանառությունը և կանխել ապօրինի ներմուծումը, ինչը կարող է վտանգավոր հետևանքներ ունենալ մարդկանց առողջության և բնապահպանական համակարգի վրա: Առողջապահության համաշխարհային կազմակերպությունը սնդիկը ճանաչել է որպես հանրային առողջությանը վտանգավոր քիմիական նյութ՝ ընդգծելով դրա վնասակար ազդեցությունը նյարդային, մարսողական և իմունային համակարգերի, ինչպես նաև թոքերի, երիկամների և աչքերի վրա։ Նախագծով սահմանվում են սնդիկի ներմուծման և արտահանման հատուկ կարգեր՝ ներառելով պահանջներ՝ լիցենզիաների տրամադրման, բեռների անվտանգության փաստաթղթերի, ինչպես նաև վտանգավոր նյութերի փոխադրման վերահսկողության վերաբերյալ։ Նախագծով առաջարկվում է արգելել ֆիզիկական անձանց կողմից որպես անձնական օգտագործման ապրանք սնդիկի ներմուծումը և արտահանումը, ինչը ևս կնպաստի սնդիկի ապօրինի շրջանառության նվազեցմանը։Այս նախաձեռնությունը կնպաստի սնդիկ պարունակող արտադրանքների ներմուծման կրճատմանը և դրանց դուրսբերմանը շրջանառությունից, ինչպես նաև կանխարգելման միջոցների ներդրմանը, որպեսզի Հայաստանի Հանրապետությունում նվազեցվեն սնդիկ պարունակող վտանգավոր թափոնների գոյացման ռիսկերը։ |
Գավառի տարածաշրջանում ձյուն է տեղում
5519:48
Գլխավոր դատախազությունն ուսումնասիրում է ԶՈՒ պահեստազորի փոխգնդապետի հայտարարությունը
7419:42
«Դատարանի դահլիճում սպանության փորձ կատարելու դեպքով քրեական վարույթի նախաքննությունն ավարտվել է». ՔԿ
7019:32
Վրաստանում «գողական աշխարհի» հետ կապ ունեցող 49 մարդ է ձերբակալվել
11019:21
«Սկանդալ՝ Երևան-Մոսկվա չվերթում․ ինքնաթիռը հարկադրված վերադարձել է»․ Լիա Սարգսյան
18019:00
«Մեր հանրությունը հիվանդ է թուրքացավով»․ Թաթուլ Հակոբյան
18117:24
«Եթե նախկինում ԵՄ-ն ՀՀ-ում դեմոկրատիա էր ֆինանսավորում, ապա հիմա՝ բռնատիրություն»․ Արմեն Աշոտյան
19816:06
«Նույնիսկ սովետական տարիներին նման աբսուրդային քրեաիրավական որակումներ չեն եղել»․ Րաֆֆի Ասլանյան
18315:54