«Հայաստանում շահամոլ սուտը իշխում է բոլոր ոլորտներում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Հայաստանում շահամոլ սուտը իշխում է բոլոր ոլորտներում։ 2021թ․ հունիսի 20-ի խորհրդարանական ընտրություններից առաջ ՔՊ կուսակցությունը խոստանում էր Արցախի հարցը լուծել «Փրկություն՝ անջատման միջոցով», Շուշիի ու Հադրութի դեօկուպացիայով, ընդդիմությունը խոստանում էր հեռացնել Նիկոլ Փաշինյանի իշխանությունը, երեքուկես տարի անց ՔՊ-ն հայտարարում է՝ Արցախը Ադրբեջան է, իսկ խորհրդարանական ընդդիմությունը ԱԺ-ում անմեղ հարցեր է տալիս «մեծարգոներին»։ Հայաստանի փուչ, բովանդակությունից զուրկ հեռուստասերիալներում նկարահանված նորաթուխ դերասաններին աստղ են կոչում։ Երևանի խանութներում վաճառվող մանդարինի վրա գրված է՝ ակցիա, 550 դրամ։ Նույն այդ մանդարինը Նոյեմբերյանի, Իջևանի խանութներում վաճառվում է 200-250 դրամով։ Քանի դեռ շահամոլ սուտն է իշխում Հայաստանում, շարունակ հպարտանալու ենք մեր պարտություններով՝ հայկական ֆուտբոլից մինչև Ադրբեջանի դեմ համակարտություն»: