«Վթարից մահացած ընտանիքի գործը մեղադրական եզրակացությամբ ուղարկվել է դատարան»․ Հայարփի Սարգսյան

Փաստաբան Հայարփի Սարգսյանի ֆեյսբուքյան գրառումը․ «Սույն թվականի հուլիսի 26-ին վթարից մահացած ընտանիքի գործը մեղադրական եզրակացությամբ ուղարկվել է դատարան. մեղադրյալներ Արմեն Տոնոյան (ՀՀ քրեական օրենսգրքի 342֊րդ հոդվածի 3֊րդ մաս), ով հանդիսացել է վարորդը, Արման Ալեքսանյան (ՀՀ քրեական օրենսգրքի 474-րդ հոդվածի 1-ին մաս), ով ըստ մեղադրանքի՝ մեղադրյալ Արմեն Տոնոյանին աջակցել է փախչել դեպքի վայրից, ապա վերջինիս անցկացրել է Բավրայի սահմանակետով՝ ինչով նպաստել է, որպեսզի մեղադրյալ Արմեն Տոնոյանը տևական ժամանակ թաքնվի վարույթն իրականացնող մարմնից։
Նշանակվել են նախնական դատալսումներ, որը տեղի կունենա վաղը՝ 18.11.2024թ., ժամը՝ 16։30-ին, Շիրակի մարզի առաջին ատյանի ընդհանուր իրավասության քրեական դատարանի Գյումրի քաղաքի նստավայրում՝ դատավոր Ա. Գեղամյանի նախագահությամբ։
Հարկ է նաև նշել, որ սույն քրեական վարույթով թույլ էին տրվել խախտումներ, ուստի, մի շարք պաշտոնատար անձանց գործողություններին իրավական գնահատական տալու համար քրեական վարույթ է նախաձեռնվել ՀՀ հակակոռուպցիոն կոմիտեում, որի վերաբերյալ մանրամասները լրացուցիչ կհրապարակեմ»։