«Պետական մակարդակով պետք է խրախուսվի ազգային ինքնության, մշակույթի, տեսակի պահպանումը». «ՀայաՔվե»

«ՀայաՔվե»-ի ֆեյսբուքյան գրառումը. «Հայաստանի ազգային պետություն լինելը նշանակում է, որ Հայաստանը ո՛չ բազմազգ (ինտերնացիոնալ) է, ո՛չ ապազգային։
Բազմազգ չէ, քանի որ Հայաստան պետությունն առաջին հերթին հայի տեսակի, հայ ինքնության, հայկական մշակույթի, բարոյականության պահպանման համար է ստեղծված (իհարկե, ազգային փոքրամասնությունների իրավունքների լիարժեք պահպանմամբ)։ Հայաստանի ազգային պետության գլխավոր հատկանիշը հայ ազգի մշակութային դիմագիծն է։
Հայաստանն ապազգային չպետք է լինի, այսինքն, պետական մակարդակով պետք է կարևորվի ու խրախուսվի ազգային ինքնության, մշակույթի, տեսակի պահպանումը։ Ազգային պետությունը չի կարող ունենալ բարձրաստիճան պաշտոնյաներ, որոնք կեղծ կատեգորիա կհամարեն հայրենասիրությունը, կասկածի տակ կառնեն ազգային հերոսների ավանդը, կվատաբանեն նրանց, ֆաշիստ կհամարեն կամ սեփական կենցաղավարությամբ հայ ազգային բարոյականությանն ու ավանդույթներին անհարիր դիմագիծ կունենան»։