«Օպերայի շրջակայքում որոշ շինություններ քանդելու ենք». Տիգրան Ավինյան

«Հանրային տարածքներ կան, որ ժամանակին Երևանի քաղաքապետարանը տվել է վարձակալության, բայց, այնուամենայնիվ, այդ տարածքները հանրային ընդհանուր օգտագործման տարածքներ են»,- Երևանի քաղաքապետարանում ընթացող գործակարգավարական խորհրդակցության ժամանակ նշեց քաղաքապետ Տիգրան Ավինյանը՝ ընդգծելով, որ այդ տարածքներում պետք է լինեն ոչ թե շինություններ, այլ կանաչ տարածքներ, զբոսանքի վայրեր: «Կոնկրետ մի որոշ հատվածում՝ Օպերայի շրջակայքում այդ շինություններն ամենայն հավանականությամբ քանդելու ենք և այդտեղ ստանանք ավելի կանաչ և մարդկանց համար հասանելի ընդհանուր օգտագործման տարածք»,- ասաց Ավինյանը: