Քննիչն առգրավել է Հովիկ Աղազարյանի հեռախոսը

«Հրապարակ»-ը գրում է․ «Հակակոռուպցիոն կոմիտեում մոտ 4 ժամ տևած հարցաքննությունից հետո քննիչները, մեր տեղեկություններով, առգրավել են ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանի հեռախոսը, իբրև թե՝ նրանում առկա տեղեկատվությունն ուսումնասիրելու համար:

Ակնհայտ է, որ խախտվում է պատգամավորի անձեռնմխելիության սահմանադրական դրույթը:

Մանավանդ՝ գլխավոր դատախազը դեռ չի մտել Ազգային ժողով և չի ստացել խորհրդարանի համաձայնությունը՝ նման ռեպրեսիվ գործողություններ կիրառելու համար։

Ավելի վաղ հայտնել էինք, որ Հովիկ Աղազարյանին հրավիրել են Հակակոռուպցիոն կոմիտեի՝ հոկտեմբերի 15-ին խորհրդարանական լսումների ժամանակ տեղի ունեցած միջադեպի առնչությամբ հարուցված վարույթով»։