Խարդախության նոր տեսակ՝ Telegram-ում

Telegram հարթակում խարդախության նոր տեսակ է տարածվել։ Հաքերները սկսել են օգտատերերին ուղարկել ֆիշինգային հղում՝ ներկայացնելով որպես նվեր՝ հավելվածի պրեմիում տարբերակին միանալու հնարավորությամբ։

Այս մասին հայտնում է RBC-ն՝ նշելով, որ օգտատերերին ուղարկված ակտիվ հղումը տանում է դեպի Telegram-ի մուտքի էջը հիշեցնող կայք։ Եվ եթե մարդը մուտքագրի հեռախոսահամար, գաղտնաբառ և հաստատման կոդ, ապա դրանք հասանելի կդառնան հաքերներին՝ կոտրելով օգտատիրոջ հաշիվը։