«Հույս ունեմ՝ ոստիկանապետ Արամ Հովհաննիսյանը կփոխի շոուներով ռեյդ անելու պրակտիկան»․ Դանիել Իոաննիսյան

«Իրազեկ քաղաքացիների միավորում» ՀԿ համակարգող Դանիել Իոանիսյանի ֆեյսբուքյան գրառումը․ «Ոստիկանական ռեյդ կարելի է անել նախապատրաստվող մեծ հանցագործության կանխման կամ այդպիսի հանցագործություն կատարած անձանց հայտնաբերման համար։

Այլ պարագայում ռեյդ անելը ոստիկանական ռեսուրսների և հանրության համբերության վատնում է։

Ոստիկանության արտաքին ծառայության ամենաարդյունավետ մեթոդը պարեկությունն է։

Առհասարակ, ամեն տեսակի ժամանակավոր ուժեղացված ծառայություններն ու ռեյդերը հակաինստիտուցիոնալ շոու են և նվազեցնում են ամենօրյա հետևողական աշխատանքի ռեսուրսները։

Իսկ հանցավորության դեմ պետք է պայքարել աշխարհում հայտնի ինստիտուցիոնալ մեթոդներով և ոչ շոուներով։ Հույս ունեմ, որ ոստիկանապետ Արամ Հովհաննիսյանը կփոխի այս պրակտիկան»։