«Եթե մարդն օրը 5000 դրամ է աշխատում, ունի 2 ուսանող, ո՞նց է անելու»․ քաղաքացի

«Թող իրենց աշխատավարձը փոխանցեն մեզ, վճարենք իրենց դրած թվերը։ Ահավոր է։ Եթե մարդն օրը 5000 դրամ է աշխատում, ունի 2 ուսանող, ինքը գնա-գա, ուսանողների ճանապարհածախսը հոգա, ո՞նց է անելու։ Գործադուլ»,- անդրադառնալով հունվարի 1-ից սպասվող քաղաքային տրանսպորտի թանկացմանը՝ ասում են քաղաքացիները։ Վերջիններն իրենց բողոքն են բարձրացնում նաև գերծանրաբեռնված, ուշ մոտեցող տրանսպորտի հետ կապված։

«Երևանի գործող իշխանությունն ավագանու որոշում կարողացավ ունենալ՝ հաստատելով, որ ավտոբուսի ուղեվարձը 100 դրամի փոխարեն սահմանվում է 300 դրամ։ Իհարկե իրենք փաթեթավորումը մի քիչ այլ կերպ են ներկայացնում, որ քաղաքացիները միանգամից շոկի չենթարկվեն»,- ասում է ավագանու նախկին անդամ Սոնա Աղեկյանը։

Օրեր առաջ Երևանի ավագանին ընդունեց նաև արտոնությունների փաթեթ։