Թբիլիսիում ձերբակալվել է ընդդիմության առաջնորդներից մեկը

Երկուշաբթի ոստիկանությունը Թբիլիսիում ձերբակալել է «Կոալիցիա հանուն փոփոխությունների» կուսակցության առաջնորդներից Զուրաբ Ջափարիձեին, հաղորդում են վրացական լրատվամիջոցները։

Ջափարիձեն ձերբակալվել է Ճավճավաձեի պողոտայում, երբ փորձում էր մի քանի կողմնակիցների հետ արգելափակել երթևեկությունը։

Հոկտեմբերին նա ընտրվել էր պատգամավոր, սակայն հրաժարվել էր մանդատից: