«Ոտնձգություններին դեմ չարտահայտվելը կհանդիսանա աջակցություն բռնապետական ռեժիմներին». Արթուր Սաքունց

Իրավապաշտպան Արթուր Սաքունցի ֆեյսբուքյան գրառումը. «Եվրոպայի խորհրդի անդամ պետության ցանկացած քաղաքացու, հասարակական կազմակերպության, քաղաքական միավորման կողմից ոչ միայն որևէ անդամ այլ պետության, այլ ցանկացած այլ պետությունում ներքին քաղաքական իրադարձությունների վերաբերյալ իրավունք ունի արտահայտվել, ավելին, պարտավոր է արտահայտվել, մարդու իրավունքների, ժողովրդավարական ինստիտուտների դեմ ոտնձգությունների դեպքում։
Հենց Եվրոպայի խորհուրդն է մարմանավորել երկրորդ համաշխարհային պատերազմի այն հիմնական դասը, որ մարդու իրավունքների ու ժողովրդավարության գործընթացները, խնդիրները չեն կարող այլևս համարվել բացառապես այդ պետության ներքին գործ, անձեռնմխելիության ու որևէ այլ հիմնավորմամբ։
Նման անձեռնմխելության տրամաբանությամբ, ուրեմն ԵԽ-ի խորհրդարանական վեհաժողովում որոշումների, բանաձևերի, հանձնարարականների համար չպետք է լինեն քվեարկություններ, որոնք կան, ու մասնակցում են անդամ պետությունների պառլամենտների անդամները, որոնք ներկայացնում են հենց անդամ պետության կուսակցությունները։
Ժողովրդավարության ու մարդու իրավունքների դեմ ոտնձգություններին դեմ չարտահայտվելը կհանդիսանա ուղղակի աջակցություն նման ոտնձգություններ կատարողներին և նրանց աջակից բռնապետական ռեժիմներին»: