Ի նշան բողոքի՝ քաղաքական հետապնդման ենթարկված անձանց պատմություններով «զարդարված» տոնածառ տեղադրվեց

142

Երեքշաբթի, 10 դեկտեմբերի, 2024 թ., 15:48

Այսօր՝ դեկտեմբերի 10-ին, նշվում է մարդու իրավունքների պաշտպանության միջազգային օրը: «Հինգ իրավապաշտպանների նախաձեռնությունը» օրվա առթիվ Բռնադատվածների հուշահամալիրի մոտ իրականացրեց միջոցառում-ակցիա։ Նրանք տոնածառ տեղադրեցին՝ այն «զարդարելով» ծրարներով, որոնց մեջ քաղաքական հետապնդման ենթարկված անձանց պատմություններն էին․ Արմեն Գրիգորյան, Արմեն Աշոտյան, Նարեկ Մալյան, Էդգար Ղազարյան, Նարեկ Սամսոնյան։ Տոնածառի վրա տեղադրվեցին նաև 44-օրյա պատերազմում զոհված զինծառայողների ծնողների բողոքները պարունակող ծրարներ։