«Ստանում են այն, ինչ իրենք են ստեղծել». Էդգար Ղազարյան

Հասարակական-քաղաքական գործիչ Էդգար Ղազարյանը ֆեյսբուքյան իր էջում լուսանկար է հրապարակել՝ կից գրելով. «Հովիկ Աղազարյանը և Հակոբ Ասլանյանը 2023 թվականի ապրիլի 4-ին մասնակցում էին Ազգային ժողովի մարդու իրավունքների և հանրային հարցերի մշտական հանձնաժողովի նիստին, որտեղ քննարկվում էր իմ թեկնածությունը՝ Մարդու իրավունքների պաշտպանի պաշտոնում։ Նրանց համար ոչ միայն ընդունելի էր իրենց թիմակիցների խուլիգանական պահվածքը, այլև իրենք էին դարձել դրան մասնակից։ Ավելին, հետագայում, այդ նիստի համար, Հովիկ Աղազարյանն ինքը նախաձեռնեց Թագուհի Թովմասյանին հանձնաժողովի նախագահի պաշտոնից ապօրինի հեռացնելու գործընթացը։
Հիմա իրենք ստորացվում, նսեմացվում ու պաշտոնազրկվում են այդ նույն խաժամուժի կողմից։ Նրանք, հավանաբար, հիմա պիտի գիտակցեն, որ մեր պայքարը նաև իրենց համար էր։
Առայժմ իրենք ստանում են այն, ինչն իրենք են ստեղծել, իսկ մենք շարունակում ենք պայքարել՝ բոլորի համար»: