«Առաջարկել եմ փոփոխություններ կատարել «Պարտապանի միակ բնակարանի իրացման համար նվազագույն գումար սահմանելու մասին» որոշման մեջ»․ Դավիթ Մանուկյան

«Ապրելու երկիր» կուսակցության քաղաքական խորհրդի անդամ Դավիթ Մանուկյանի ֆեյսբուքյան գրառումը․ «Դիմել եմ վարչապետ Նիկոլ Փաշինյանին՝ առաջարկելով, փոփոխություններ կատարել կառավարության 13 հուլիսի 2017 թվականի N 808-Ն «ՊԱՐՏԱՊԱՆԻ ՄԻԱԿ ԲՆԱԿԱՐԱՆԻ ԻՐԱՑՄԱՆ ՀԱՄԱՐ ՆՎԱԶԱԳՈՒՅՆ ԳՈՒՄԱՐ ՍԱՀՄԱՆԵԼՈՒ ՄԱՍԻՆ» որոշման մեջ։ Մասնավորապես՝ բարձրացնել քաղաքացի-պարտապանի միակ բնակարանի իրացման համար սահմանված նվազագույն 4 900 000 դրամի սահմանաչափը՝ հասցնելով առնվազն 20 000 000 դրամի, քանի որ, ներկայումս սահմանված չափը, ըստ էության, շատ քիչ է և անտրամաբանական։ Անգամ ամենահեռավոր գյուղերում կիսակառույց տները գնահատվում են շատ ավելի բարձր, քան այդ սահմանաչափն է և հանվում են վաճառքի՝ մարդկանց զրկելով վերջին կացարանից։

Բանկային պարտավորությունների պատճառով բազմաթիվ ընտանիքներ հայտնվում են շատ ծանր իրավիճակում՝ զրկվելով իրենց վերջին բնակարանից (տնից)։

Հույս ունեմ, որ այս որոշումը կվերանայվի և հազարավոր ընտանիքներ կազատվեն իրենց միակ բնակարանը կորցնելու սպառնալիքից»։