«Մեր լռությունն ընդդիմախոսների ջրաղացին ջուր է լցնում». Տիգրան Ավինյան

«Հաջորդ տարի ևս 30 հեկտար կկանաչապատվի, կանտառապատվի»,- Երևանի քաղաքապետարանում գործակարգավարական խորհրդակցության ժամանակ ասաց քաղաքապետ Տիգրան Ավինյանը՝ ընդգծելով, որ «ընդդիմախոսները պարբերաբար մեղադրում են Երևան քաղաքում կանաչ ֆոնդը վերացնելու մեջ, մինչդեռ վերջին 2 տարվա ընթացքում Երևան քաղաքում տասնյակ հեկտարներով այգիներ և անտառներ են տնկվել»: «Եթե համեմատենք վերջին 2 տարին վերջին մի քանի տասնամյակի հետ, վստահորեն կարող ենք պնդել, որ վերջին 2 տարում շատ ավելի շատ է տնկվել Երևանում: Պարբերաբար պետք է հիշեցնենք, թե ինչ աշխատանքներ են արվել, որպեսզի այն մարդիկ, ովքեր մեզ մեղադրում են կանաչ ֆոնդը ոչնչացնելու մեջ, գոնե տվյալները ունենան»,-նշեց քաղաքապետը՝ հավելելով. «Մեր լռությունը ընդդիմախոսների ջրաղացին ջուր է լցնում»: