Երեքշաբթի, 21 ապրիլի, 2026 թ.
|
Ստեփանակերտում`   +8 °C

«Գում»-ի շուկայից ձերբակալված 8 քաղաքացիներն ազատ են արձակվել

«Գում»-ի շուկայից ձերբակալված 8 քաղաքացիներն ազատ են արձակվել
194
Երկուշաբթի, 16 դեկտեմբերի, 2024 թ., 14:30

«Գում»-ի շուկայից ձերբակալված 8 քաղաքացիները ձերբակալության 72 ժամը լրանալուց հետո այսօր ազատ են արձակվել։ Այս մասին լրատվամիջոցներին հայտնել են ՀՀ Քննչական կոմիտեից։

Հիշեցնենք, որ դեկտեմբերի 13-ին Երևանի «Գում»-ի շուկայում, ՍԱՏՄ աշխատակիցների կողմից իրականացվող ստուգայցի արդյունքում վիճաբանության էր ծագել մսավաճառների և ոստիկանության աշխատակիցների միջև։
Միջադեպի հետևանքով 8 քաղաքացի՝ այդ թվում, ինքնահրկիզման փորձ կատարած քաղաքացին, ձերբակալվել էին խուլիգանության կասկածանքով։
Տեսչության աշխատակիցները մոտ մեկ տոննա, սպանդանոցի կողմից համապատասխան փաստաթուղթ չունեցողի միս են առգրավվել, որը ենթակա է ոչնչացման։