«Փորձում են մեզ «Ազգ-բանակ»-ից վերածել «Ազգ-ուսապարկ»-ի». Վիտալի Մանգասարյան

«Հենակետ» վերլուծական կենտրոնի ղեկավար Վիտալի Մանգասարյանի ֆեյսբուքյան գրառումը. ««Ազգ-բանակ»-ից «Ազգ-ուսապարկ»
«Ազգ-բանակ» մոդելը ենթադրում է, որ ողջ ժողովուրդը պետք է ընկալվի որպես մեկ միասնական պաշտպանական համակարգ, որտեղ ամեն քաղաքացի որոշակի ձևով ներգրավված է երկրի անվտանգության ապահովման գործում։
Բոլոր քաղաքացիները համարվում են երկրի պաշտպանության կարևոր մասնակիցներ՝ լինի դա ֆիզիկապես (զինվորական ծառայություն), թե՛ տնտեսության կամ կրթության ոլորտներում:
Պաշտպանությունը համարվում է ազգային գաղափար, որը պետք է լինի բոլորի առաջնահերթությունը:
Մերօրյա իրականության մեջ, ստեղծված իրավիճակի թիվ մեկ պատասխանատուի և թիվ մեկ մեղավորի ջանքերով, մեզ փորձում են «Ազգ-բանակ»-ից վերածեն «Ազգ-ուսապարկ»-ի։ Այդ խնդիրը հնարավորինս արդյունավետ լուծելու համար գործի են դրվում ամենատարբեր տեխնոլոգիաներ։
«Ազգ-բանակ» մոդելը հաջող է, երբ պետությունը և ժողովուրդը միասնականորեն աշխատում են ընդհանուր նպատակի՝ երկրի անվտանգության ապահովման ուղղությամբ։ Սակայն, եթե այս մոդելը վերածվում է «ազգ-ուսապարկի», դա առնվազն հանգեցնում է պառակտման, հիասթափության և պաշտպանունակության անկման»: