«Ուսումնասիրե՞լ եք՝ պատերազմի հետևանքով հաշմանդամություն ձեռք բերած քանի՞ երիտասարդ կա»․ Էդգար Ղազարյան

««Երիտասարդական քաղաքականության մասին» օրենքի նախագիծը սահմանում է երիտասարդության շեմ՝ 13-35 տարեկան․ Աշխատանքի և սոցիալական հարցերի նախարարությունն ունի՞ ուսումնասիրություն, թե այդ տարիքային խմբում հաշմանդամություն ունեցող քանի՞ երիտասարդ կա, ե՞րբ են նրանք ձեռք բերել այդ հաշմանդամությունը, հատկապես պատերազմի հետևանքները», - դեկտեմբերի 17-ի խորհրդարանական լսումների ժամանակ հարցրեց հասարակական-քաղաքական գործիչ Էդգար Ղազարյանը՝ դիմելով ՀՀ Աշխատանքի և սոցիալական հարցերի փոխնախարար Ռուբեն Սարգսյանին։
Նախարարը պատասխանեց՝ ասելով, որ թվեր չի կարող նշել, բայց ռեաբիլիտացիոն փուլից սկսած աշխատանքներ են տարվել հաշմանդամություն ձեռք բերած անձանց հետ, ովքեր պատերազմից են վերադարձել, կարիերայի զարգացման, զբաղվածության ծրագրեր, որոնք միտված են երիտասարդներին օգնել պատերազմից հետո կամ զորացրվելուց հետո ավելի հեշտ ինտեգրվելու։ «Այդ երաշխիքային ծրագրերը գործում են արդեն մի քանի տարի», - հայտնեց Սարգսյանը։
Մանրամասները՝ տեսանյութում։