Չորեքշաբթի, 18 դեկտեմբերի, 2024 թ.
|
Ստեփանակերտում`   0 °C

«Դիլիջանում ձմռանն ասֆալտապատում են սկսել, առողջ ծառերը ոչնչացնում են». Ոսկան Սարգսյան

«Դիլիջանում ձմռանն ասֆալտապատում են սկսել, առողջ ծառերը ոչնչացնում են». Ոսկան Սարգսյան
77
Այսօր, 14:48

Լրագրող Ոսկան Սարգսյանը ֆեյսբուքյան իր էջում տեսանյութ է հրապարակել՝ կից գրելով. «Դիլիջանում ձմեռն ասֆալտապատում են սկսել, առողջ, հաստաբուն ծառերը ոչնչացնում են։
Դեկտեմբերի կեսին Դիլիջանի համայնքապետարանը քաղաքի Գետափնյա փողոցի ասֆալտապատման և մայթերի հիմնանորոգման սուբվենցիոն ծրագիրն է սկսել, որի արժեքը՝ պետական բյուջեի և համայնքի համաֆինանսավորումը ավելի քան 894 միլիոն դրամ է։ Համայնքապետարանը հայտնում է, որ ի թիվս այլ աշխատանքների, փողոցի հին, հիվանդ ծառերը կփոխարինվեն նորերով: Դիլիջանի բնակիչները լրագրողիս բողոքել են, որ Գետափնյա փողոցի առողջ, հաստաբուն ծառերը ոչնչացնում են։ Կառավարությունում, բնապահպանական տեսչությունում հաստաբուն ծառերի այս բարբարոսական ոչնչացմանը ո՞վ կարձագանքի»:

Աղբյուրը`   Ոսկան Սարգսյան