«Որևէ միջազգային կառույց չի վերցնում արցախցիների վերադարձի երաշխավորությունը»․ Նաիրա Զոհրաբյան

«Կային, չէ՞, նիկոլական սեկտանտներ, որոնց ասում էինք՝ «ադրբեջանցիներին բերելու են բնակեցնեն», էդ կենդանիները կիրիլիցայով կամ լատինատառ ինձ գրում էին «սուտ ա, չկա նման բան, պանիկա մի տարածեք»,- դեկտեմբերի 19-ին «Հայելի» ակումբում հայտարարեց ԱԺ նախկին պատգամավոր Նաիրա Զոհրաբյանը՝ հավելելով․ «Իլհամ Ալիևը ասում է՝ 300 հազար ադրբեջանցի գալու է, և ՀՀ ԱԳ փոխնախարարը ըստ էության հաստատեց, որ նորմալ է, օքեյ է։ Բայց արդյո՞ք արցախցիները ստանալու են դրա դիմաց վերադարձի իրավունք՝ ոչ», - ընդգծեց Զոհրաբյանը և հավելեց, որ միջազգային որևէ կառույց, որևէ աշխարհաքաղաքական կենտրոն չի վերցնում արցախցիների վերադարձի երաշխավորությունը, որովհետև Նիկոլը Պրահայում Արցախը ճանաչել է ադրբեջանական։
Ըստ Զոհրաբյանի, Ալիևը նաև ուղերձ է հղել Ռուսաստանին՝ ասելով․ «ԵՄ դիտորդները ՆԱՏՕ-ի զորքեր են, ես հարձակվելու եմ Հայաստանի վրա, Հայաստանն էլ ասել է, որ ՀԱՊԿ-ից դուրս է գալիս, ուստի ՀԱՊԿ-ի զորքերը իրավունք չեն ունենալու պաշտպանեն ՀՀ սուվերեն տարածքը։