«Սա կարող ենք համարել միջանկյալ հաղթանակ»․ Աննա Ավետիսյան

Երևանի ավագանու «Մայր Հայաստան» խմբակցության անդամ Աննա Ավետիսյանի ֆեյսբուքյան գրառումը. «Այսօր վարչական դատարանը դեռ չէր հրապարակել նախնական վճիռը, երբ իշխանությունը շտապեց հայտնել, որ դատարանը ոչ իրավաչափ է համարել ՔՊ-ի և նրա գործընկերների միահամուռ ուժերով ընդունած կարմիր կետագծերի վերաբերյալ որոշումը, որը բողոքարկել է «Մայր Հայաստան» խմբակցությունը։
Սա կարող ենք համարել միջանկյալ հաղթանակ, որը վերջնական հաղթանակի ճանապարհն է, իսկ եթե իշխանությունը բողոքարկի այս որոշումը, մենք անկասկած պայքարելու ենք և օրենքի գերակայության պայմաններում հասնենք վերջնական հաղթանակի։
Հարգելի վարորդներ, տեղեկացեք, որ կարմիր կետագծերի ապօրինի վճիռը չեղարկվել է։
Հիշեցնեմ, որ մեր խմբակցությունը տրանսպորտի թանկացումը ևս համարում է ոչ իրավաչափ և պայքարում է դրա դեմ։ Ասածս ինչ է, հունվարի 1-ից զերծ մնացեք տոմսային թանկարժեք քարտեր գնելուց»։