«Նույն ժողովները, նույն մաշված, ոչինչ չասող հաղորդագրությունները»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Տավուշի մարզպետարանում կայացած աշխատանքային խորհրդցությունների մասին մարզպետարանի տարածած հաղորդագրությունները գրեթե նույնն են, ոչինչ չասող, ընդհանուր ձևակերպումներով։ Թե մարզպետի խորհրդակցությունում կոնկրետ ինչ հարցեր են քննարկել, դրանց ի՞նչ լուծումներ են տրվել, հայտնի չէ։ Կարևորը իմիտիցիա ստեղծեն, թե մարզպետն ու իր աշխատակազմը հանուն ժողովրդի օրնիբուն աշխատում են։ Ահավասիկ մարզպետարանի վերջին հաղորդագրությունը․ «Այսօր ՀՀ Տավուշի մարզպետ Հայկ Ղալումյանն անցկացրել է հերթական աշխատանքային խորհրդակցություն, որին մասնակցել են աշխատակազմի գլխավոր քարտուղարը, ստորաբաժանումների ղեկավարները և ոլորտային պատասխանատուները։
Խորհրդակցության ընթացքում քննարկվել են մի շարք կարևոր հարցեր, կապված քաղաքաշինության, գյուղատնտեսության, կրթության և առողջապահության ոլորտների հետ։
Խորհրդակցության ավարտին մարզպետը լսել է բոլոր առաջարկությունները, ամփոփել է քննարկված հարցերը՝ շեշտելով դրանց կարևորությունը և նոր հանձնարարականներ է տվել առաջիկա անելիքների վերաբերյալ»։