«Դուք էլ էիք ապշե՞լ»․ լրագրողը՝ Սուրեն Գրիգորյանին

«Դուք էլ էիք ապշե՞լ, երբ պարոն Ավինյանն ապշել էր՝ իմանալով ԱՄՆ տոմսի գինը»,- ճեպազրույցի ժամանակ դիմելով Երևանի փոխքաղաքապետ Սուրեն Գրիգորյանին՝ հարցին լրագրողները: «Ես կարծում եմ՝ դուք պետք է աշխատեք ձեր հարցերի որակի վրա»,- ասաց պաշտոնյան:
Հարցին, թե «ձեզ չի՞ մտահոգում, որ մարդկանց կարծիքը ձեր նախագծերի, կայացրած որոշումների վերաբերյալ խիստ բացասական է. գումարները բերում եք բյուջե, բայց ուրիշի երեխաների բերանից եք կտրում», Գրիգորյանն արձագանքեց․ «Եթե մի պաշտոնյա զբաղվում է քաղաքական գործունեությամբ և ակնկալիք ունի, որ բոլորը միշտ իր որոշումներից գոհ են լինելու․․. Չգիտեմ՝ ձեր տվյալները ինչի վրա են հիմնվում, որ դուք մեծամասնության անունից խոսելու իրավունք եք վերապահում. քաղաքականությամբ զբաղվելը ենթադրում է, որ որոշ մարդիկ լինելու են գոհ քո գործողություններից, որոշ մարդիկանց ընդհանրապես մեկ ա լինելու»,- հավելեց փոխքաղաքապետը։
«Եթե աղմուկ չբարձրանար ավիատոմսի արժեքի շուրջ, արդյո՞ք քաղաքապետը կփոխհատուցեր այն» հարցին՝ Գրիգորյանը պատասխանեց, որ եթե առիթ լիներ այդ տեղեկատվությունն իմանալու այլ ձևով, «քաղաքապետի գործողությունը լինելու էր նույնը»։